Balwant Singh aur Seetharam

Dadima ki ek kahani.

Raghav chathe the ki bachpan ke kuch yaadein main likh doon.

Abhi gaay ki seva ki baath ho rahi thi aur maine bathaya ki pithaji va maa ko gaay ke prathi shraddha thi.

7 – 8 gaaye hamesh ghar main rahin.

Doodh makkhan ghar ka ghee sada ghar main bharpoor raha.

Maan sada saaf chara va khaana gaayon ke liye daalthi thi.

Unki safai va dekhbaal ko svayam dekhthi thin.

Ek ghoda bhi savari ke liye tha , pitaahji ke touring ke liye tha. Shanti behenji ne bhi swimming seekhe aur ghoda ki savari seekhe. Bhai logon ne bhi ghode ki savari seekhi.

Sant ravidas ka bhakt tha dhaarajit….jo ghode ki delhbhaal kartha tha. Wah subah subah sant ravidas ke bhajan gaatha rahtha tha.

Driver Balwant Singh Chauhan Rajput parivar ke the. San 1914 ki world war main, cavalry main Europe gaye the. San 1918 main ladayi khatam hone ke baad, wah hamare ghar aa gaye the as a driver…aur fir jeevan kea nth tak rahe.

Seetharam, pitaji ka kaam karthe the. Unke ghar main aane ki katha badi rochak hai. Nagar ke civil surgeon, Jail ke incharge hua karthe . Ve pithaji ke mitra the. Ek din, “by the way” doctor sahib se kaha….ki ghar main khus ki tatti chidakne ke liye ek aadmi ki jaroorat hai. Doctor sahib ne majaak main kahan, ki ek kaidi aaj jail se chutha hai, use bhej doon kya?

Pithaji nain haan kah diya….aur wah hamare ghar main, khus ki tatti chidakne ke liye aa gaya.

Thode din baad, ghar main bhi kaam karne laga….aur lagbhag thees varsh tak ghar main kaam kartha raha.

Baath aisi thi…ki uske paas kheth jothne ke liye bael nahin the. Apane ek saathi kisaan se usne bael ki Jodi kheth jothne ke liye maangi. Usne mana kar diya. Yeh chup chaap, baelon ko laya, aur apana kheth joth liya. Uss kissan ne iski report likhwa di, va hawalath main band karwa diya.

Seetharam wahi kaidi tha, joh hamare ghar parivar ke sadasya ki tarah se, jeevan bhar raha.  Uske teen bête the. Pithaji ne sabko padhaya. Bada beta, mill ka majdoor bana, beech wala, ghar main driver ki tarah se kuch varsh raha, aur baad main bade bhai ne agriculture vibhagh main govt driver ki tarah lagwa diya. Chota beta, school teacher bana.

Mere bacche , in dono ko (balwant Singh aur Seetharam) ko, “naana” keh kar pukarthe the.

Dadima